Екібастұз тарихи-өлкетану музейінде тарихи танымын кеңейту және туған жерге деген сүйіспеншілігін арттыруға бағытталған «Екібастұз өңірінің қасиетті жерлеріне шолу» өлкетанулық сабағы экскурсия сипатында ұйымдастырылды. №18 мектеп жанындағы лагерь тәрбиеленушілеріне музейдің археология және ортағасырлық Әулиекөл қорымы тұрақты экспозициялық залдарында Екібастұз өңірінің қасиетті жерлеріне қатысты тың тарихи деректер мен археологиялық мәліметтер ұсынылды. Бұл Республикалық киелі орындар географиясы картасына енген Ақкөл-Жайылма қалашығы, Исабек Ишан хазрет мавзолейі және Павлодар облысы киелі орындар картасына енген Өлеңті жазбалары, Ақбидайық петроглифтері, Әулиекөл археологиялық кешені.