- Подробности
- Автор: Павлодарский областной историко-краеведческий музейим. Г.Н.Потанина
Осы қысқы күндері Ақсу тарихи-өлкетану музейіміз қозғалыс пен балалардың күлкісіне толы болды — оқушылар экскурсияларға және Жаңа жылдық көрмеге келді. Балалар туған өлкенің тарихымен танысып, экспонаттарды тамашалап, көптеген сұрақтар қойып, өткен заман мен дәстүрлер әлемін қызығушылықпен ашты. Ал мерекелік көңіл күй мен Жаңа жылдық экспозициялар бұл кездесулерді жылы әрі есте қаларлық етті. Барлық мектептер мен оқушыларға қызығушылықтары, күлкілері мен белсенділіктері үшін алғыс айтамыз.
- Подробности
- Автор: Павлодарский областной историко-краеведческий музейим. Г.Н.Потанина
«Ertis» музейінде көрнекті ғалым, академик Әлкей Хақанұлы Марғұланды еске алуға арналған «Әлкей Марғұлан: Өткеннің кілтін ұстаған ғалым» тақырыбында танымдық іс-шара өтті.
Кездесу барысында ғалымның өмір жолы, қазақ археологиясы мен тарих ғылымына қосқан үлесі, рухани мұраны зерттеудегі еңбектері сөз болды. Қонақтарға Әлкей Марғұланның ғылыми мұрасын таныстыратын бейнеролик ұсынылды.
- Подробности
- Автор: Павлодарский областной историко-краеведческий музейим. Г.Н.Потанина
Павлодар қаласының тарихшысы, өлкетанушысы және құрметті азаматы Эрнест Дмитриевич Соколкиннің туғанына 90 жыл толуына орай Г.Н. Потанин атындағы Павлодар облыстық тарихи-өлкетану музейінде еске алу кеші және «Музей ісінің патриархы» көрмесінің ашылуы өтті. Іс-шараға ол ұзақ жылдар бойы жұмыс істеген және ынтымақтастықта болған әріптестері, өлкетанушылар, мәдениет қызметкерлері, оқушылар қатысты. Көрме қонақтарды Эрнест Дмитриевичтің өмірбаянымен, ғылыми мұрасымен және музей ісін дамытуға және Павлодар Ертіс өңірінің тарихын зерттеуге қосқан үлесімен таныстырды. Көрмеде фотосуреттер, қолжазбалар, еңбектер, өзі жазған каталогтар, марапаттар, грамоталар, жеке заттары ұсынылған.
- Подробности
- Автор: Павлодарский областной историко-краеведческий музейим. Г.Н.Потанина
«Берел» мемлекеттік тарихи-мәдени музей-қорығы мен Потанин атындағы Павлодар облыстық тарихи-өлкетану музейі өзара ынтымақтастық туралы меморандумға қол қойды.
Келісім облыстар арасындағы тарихи-мәдени байланысты нығайту, кәсіби тәжірибе алмасу және цифрлық технологияларды музей қызметіне енгізу бағытындағы бірлескен жұмысты көздейді.
Меморандум аясында экспозициялық жобаларды, мәдени-ағартушылық бастамаларды жүзеге асыру және заманауи цифрлық шешімдерді қолдану жоспарлануда. Бұл әріптестік ұлттық тарихи-мәдени мұраны кеңінен танытуға және музей ісінің сапасын жаңа деңгейге көтеруге мүмкіндік береді.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи-өлкетану музейімен «Еліміздің тәуелсізідігі – бірліктің белгісі» музейлік сабағы ұйымдастырылды. Шара еліміздің тарихына және мемлекеттіліктің терең тамырларын ашатын археологиялық зерттеулерге арналды. Екібастұз политехникалық колледж студенттері ежелгі мәдени ескерткіштердің салт-дәстүр сабақтастығын, халық бірлігін, тәуелсіздіктің қадір-қасиетін қалай растайтынын біліп, бірегей археологиялық олжалармен танысты.
- Подробности
- Автор: Павлодарский областной историко-краеведческий музейим. Г.Н.Потанина
Сәбит Дөнентаев атындағы Мәдениет сарайында жерлесіміз, сахна өнерінің саңлағы, көрнекті театр және өнер қайраткері, актер, әнші, Қазақстанның еңбек сіңірген әртісі – Хасен Байырмановтың 120 жылдық мерейтойына және шығармашылығына арналған «Жай қоңыр-ғұмыр» атты республикалық өнер фестивалі өткізілді. Осы іс-шара арнайы «Әртістің грим бөлмесі» атты дайындық бөлмесі безендірілді. Экспозицияда музей қорынан алынған заттары қойылды.
- Подробности
- Автор: Павлодарский областной историко-краеведческий музейим. Г.Н.Потанина
Ақсу тарихи-өлкетану музейінде С. Дөнентаев атындағы мәдениет сарайының ұжымым және «Қазақ тілі» қоғамы бірлестігімен бірлесіп «Міржақып Дулатұлы – алаштың сөнбес жұлдызы» дөңгелек үстел өткізілді. Іс-шарада қара металлургия колледжінің 1 курс студенттері мен Ы. Алтынсарин атындағы орта мектебінің 4 сынып оқушыларына сирек архивтік материалдар, фильм үзінділері және оның еңбектерінің бейнефильм мен фотослайд арқылы ақын, жазушының өмірбаяны туралы түсінік беріліп, білімдері жетілдірілді. Оқушылар М.Дулатовтың алаш қозғалысының ұранына айналған «Оян, Қазақ!» өленің мәнерлеп оқып берсе, әнші С. Дөнентаев атындағы мәдениет сарайының солисі Ә.Сейітов әнді орындап жастардың патриоттық рухын көтеріп берді.
- Подробности
- Автор: Павлодарский областной историко-краеведческий музейим. Г.Н.Потанина
Музейде «Ұлы дала мұрасы: этностардың алтын қоры» атты көрме өтті. Бұл көрме – Қазақстанда өмір сүретін түрлі этностардың мәдени мұралары мен дәстүрлерін ұлықтауға арналған. Экспозицияда қазақ, татар, орыс және басқа да этностардың ұлттық киімдері қойылды. Шара барысында арнайы шақырылған қонақтар сөз сөйлеп, этностардың мәдени ерекшеліктері туралы ой бөлісті. Көрменің мақсаты Ұлы дала өркениетінің бай рухани мұрасын таныту, этносаралық келісім мен бірлікті насихаттау, сондай-ақ жастарды ұлттық құндылықтарды қастерлеуге баулу.
