Республика күніне орай Облыстық тарихи-өлкетану музейде «Мәңгілік жаса, қыран елім – Қазақстаным» тақырыбында патриоттық сабақ өтті. Бұл шараға Электроника және байланыс колледждің студенттері қатысты. Іс-шара барысында еліміздің тәуелсіздік жолы, жеткен жетістіктері, бейбітшілік пен бірлік құндылықтары кеңінен талқыланды.Студенттер белсенді қатысып, Отанға деген сүйіспеншілігі мен патриоттық сезімдерін білдірді.Сабақтың басты идеясы —«Мәңгілік жаса, қыран елім – Қазақстаным!» Бұл сөздер әрбір жастың жүрегінен орын тауып, туған жерге деген мақтаныш сезімін оятты. Осындай іс-шаралар жастардың елжандылық рухын көтеріп, өткенді құрметтеуге, болашаққа сеніммен қарауға тәрбиелейді.