- Подробности
- Автор: SuperAdmin
Оқушылармен кездесу. Облыстық тарихи-өлкетану музейінің қызметкерлерінің ұйымдастыруымен № 7 ЖОББМ оқушыларымен Алғыс айту күніне орай кездесу өтті. Іс-шара барысында мерекенің тарихы мен оның ұлтаралық келісімді нығайтудағы маңызы туралы ақпарат берілді. Оқушылар алғыс пен құрмет тақырыбындағы талқылауға белсенді қатысты.
- Подробности
- Автор: SuperAdmin
№4 мектептің оқушылары оның өмірбаянымен танысып, шығармашылық жолы, ұлттық музыкалық өнердің дамуына қосқан үлесі және мұрасының бүгінгі ұрпақ үшін маңызы туралы білді. Оқушылар сұрақтарға белсенді жауап беріп, өз ойларымен бөлісіп, нағыз өнерпаз қандай қасиеттерге ие болуы керектігі жайында пікір алмасты. Осындай тұлғалардың өнегелі өмірі жас ұрпақты білімге, еңбекке және өнерді сүюге шабыттандырады.
- Подробности
- Автор: SuperAdmin
Г.Н. Потанин атындағы Павлодар облыстық тарихи-өлкетану музейде «Таза Қазақстан» тұжырымдамасы аясында «Жасыл қала» атты эко-сабақ өткізді. Іс-шараға «Биология және экология» кафедрасының студенттері қатысты.
Кездесу барысында қатысушылар экологиялық қоныстар құру, аумақтарды көгалдандыру және табиғатқа ұқыпты қарау туралы мәлімет алды.
Іс-шара мазмұнды өтіп, жастардың экологиялық мәдениеттің маңыздылығын және қоршаған ортаға жауапкершілікпен қараудың қажеттілігін түсінуін нығайтты.
- Подробности
- Автор: Павлодарский областной историко-краеведческий музейим. Г.Н.Потанина
Г.Н. Потанин атындағы Павлодар облыстық тарихи-өлкетану музейімізде Халықаралық экскурсоводтар күніне орай «Үздік экскурсовод – 2026» облыстық байқауы өтті. Кәсіби сайыста қатысушылар жоғары дайындық деңгейін, шығармашылық көзқарасын және әртүрлі аудиториямен жұмыс істей білу қабілетін көрсетті.
Байқау екі кезеңнен тұрды, оның қорытындысы бойынша қазылар алқасы жеңімпаздар мен жүлдегерлерді анықтады. Барлық экскурсоводтарды кәсіби мерекесімен құттықтай отырып, музей ісін дамытуға қосқан үлестері үшін алғыс білдіреміз!
- Подробности
- Автор: Павлодарский областной историко-краеведческий музейим. Г.Н.Потанина
Қазақ поэзиясында кейбір есімдер уақыт өткен сайын биіктей береді. Олар туралы айтқанда «ақын» деу аздық етеді — олар тұтас дәуірдің үніне айналады. Солардың бірі – Мұқағали Мақатаев. Ақын, жазушы Мұқағали Мақатаевтың 95-жылдығына орай №1 жалпы орта білім беретін гимназиялық сыныптары бар мектептің оқушыларына «Мұқағали әлемі» атты музейлік сабағы өтті. Сабақ барысында қатысушыларға ақынның өмір жолы, әдеби мұрасы және қазақ руханиятындағы орны туралы жан-жақты ақпарат берілді. Музейлік сабақтың мақсаты – жас ұрпақтың әдебиетке деген қызығушылығын арттыру, ұлттық құндылықтарды дәріптеу және поэзия арқылы рухани тәрбие беру.
- Подробности
- Автор: Павлодарский областной историко-краеведческий музейим. Г.Н.Потанина
Баянауыл ауданындағы Ш.Айманов атындағы мектеп базасында облыстық «Шәкен Айманов оқулары» байқауы жоғары деңгейде өтті. Шара барысында оқушылар қазақ кино өнерінің көрнекті өкілі Шәкен Аймановтың шығармашылығын дәріптеп, өнерлерін паш етті. Сонымен қатар, Г.Н. Потанин атындағы Павлодар облыстық тарихи-өлкетану музейі ұйымдастырған Аймановтың жеке заттарынан құралған жылжымалы көрме көпшілік назарына ұсынылды.
- Подробности
- Автор: Павлодарский областной историко-краеведческий музейим. Г.Н.Потанина
Г.Н. Потанин атындағы Павлодар облыстық тарихи-өлкетану музейі ұйымдастыруымен «Ұлт өнері – ұрпаққа өнеге» атты киіз басу өнерінен шеберлік сабағы өтті. Шараға киіз басу шеберлері, «Ғибрат әжелер» қоғамдық бірлестігінің мүшелері және «Нұр Ана Әлемі» ҚБ қолөнершілері – Галия Балтабаевна Сунгатова, Күнкей Қабиевна Резуанова, Жібек Ануарбековна Маханова қатысып, ұлттық қолөнердің қыр-сырын таныстырды. Дарынды балаларға арналған Абай атындағы гимназия оқушылары үшін бұл тағылымды әрі шығармашылыққа толы кездесу болды.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи-өлкетану музейінде ғылым мен техника саласындағы КСРО Мемлекеттік сыйлығының лауреаты В.Ф. Гаврюшиннің туғанына 95 жыл толуына арналған еске алу кеші ұйымдастырылды. Іс-шара көмір саласының ардагерлерін, әріптестерін, қоғам өкілдері мен жастарды біріктірді. Жылы әрі шынайы атмосферада қатысушылар Василий Фроловичтың өмірлік жолын, көмір өнеркәсібін дамытуға қосқан үлесін еске алып, оның кәсібилігі, принципшілдігі және шахта еңбегін құрметтеу туралы айтты. Кездесу барысында әріптестерінің, достарының, туыстарының естеліктері тыңдалып, музей қорынан оның еңбек қызметінің кезеңдері мен саланың дамуына қосқан үлесін көрсететін мұрағаттық фотосуреттер мен материалдар ұсынылды.
