- Подробности
- Автор: Павлодарский областной историко-краеведческий музейим. Г.Н.Потанина
2026 жылдың 11 ақпанында Г.Н. Потанин атындағы Павлодар облыстық тарихи-өлкетану музейінде «Біздің әйгілі жерлестеріміз Әуезов театры сахнасында» атты көрмесі ашылды. Көрме Мухтар Әуезов атындағы Қазақ ұлттық драма театрының 100 жылдығына және осы театр сахнасында өнер көрсеткен атақты жерлестерімізге арналған.
Көрмеде Ш. Аймановтың сахналық киімдері, театр актерлерінің фотосуреттері, М. Әуезов атындағы Ұлттық театр мен Жүсіпбек Аймауытов атындағы Павлодар облыстық қазақ музыкалық-драма театрының афишалары ұсынылған.
Көрменің ашылуына Ж. Аймауытов атындағы Қазақ музыкалы драма театрының басшысы Арман Темірбек,зиялы қауым өкілдері, өлкетанушылар, тарихшылар, облыстық тарихи-өлкетану музейінің қызметкерлері мен ардагерлер қатысты.
- Подробности
- Автор: Павлодарский областной историко-краеведческий музейим. Г.Н.Потанина
Ақсу тарихи-өлкетану музейінде тігін машиналарының тарихына арналған танымдық іс-шара өтті. №7 мектептің оқушылары тігін машиналарының уақыт өте қалай өзгергенін, әр дәуірде қолданылған технологияларды және олардың отбасы тұрмысындағы маңызды рөлін білді. Көрме экспонаттары өткен кезеңнің атмосферасын сезінуге, тарихқа жақынырақ үңілуге мүмкіндік берді.
- Подробности
- Автор: Павлодарский областной историко-краеведческий музейим. Г.Н.Потанина
№ 5 ЖОББМ мектебінде музей ұйымдастырған көшпелі этнографиялық көрме өтті. Көрме қазақ халқының дәстүрлері, тұрмысы мен мәдениеті әлеміне жасалған шынайы саяхатқа айналды. Оқушылар экспонаттарды үлкен қызығушылықпен тамашалап, сұрақтар қойып, өз әсерлерімен бөлісті. Мұндай көрмелер оқушылардың білімін кеңейтіп, халық мәдениетіне деген қызығушылықты арттырады.
- Подробности
- Автор: Павлодарский областной историко-краеведческий музейим. Г.Н.Потанина
Ақсу тарихи-өлкетану музейінде «Тігін машиналарының түрлері» көрмесі басталды. Тігін машинасы — жай ғана тұрмыстық құрал емес, ол өз дәуірінің шынайы куәгері. Музейімізде ондаған жылдар бойы технологияның, дизайнның және қол еңбегіне деген көзқарастың қалай өзгергенін көруге болады. Өткенге үңіліп, сол заманның әйелдері қалай тігін тіккенін көруге баршаңызды шақырамыз.
- Подробности
- Автор: Павлодарский областной историко-краеведческий музейим. Г.Н.Потанина
Г.Н. Потанин атындағы Павлодар облыстық тарихи-өлкетану музейінің қызметкерлері музыкалық колледж студенттерін Қазақстанның еңбек сіңірген мәдениет қайраткері, Павлодар облысының құрметті азаматы, композитор Михаил Николаевич Пульганың 90 жасқа толуына орай шығармашылығымен таныстырды. Кездесу барысында студенттерге оның өмір жолы, педагогикалық қызметі және өңірдің музыкалық мәдениетін дамытуға қосқан зор үлесі туралы айтып берілді.
- Подробности
- Автор: Павлодарский областной историко-краеведческий музейим. Г.Н.Потанина
Г.Н. Потанин атындағы Павлодар облыстық тарихи-өлкетану музейінің археологиялық зертханасында робототехника мектебінің оқушыларымен замануи ғылымның қазіргі даму бағыттарына арналған танымдық кездесу өтті. Іс-шара барысында балаларға техникалық ғылымдар мен гуманитарлық білімнің пәнаралық өзара байланыс мысалдары ұсынылды, оның ішінде археология саласында робототехникалық шешімдерді қолдану перспективалары талқыланды.
Музей қызметкерлері археологияның нақты міндеттері туралы айтты, мұнда заманауи технологиялар зерттеу дәлдігін жақсартады, мәдени мұраны сақтайды және тарихи ортаға араласуды азайтады.
- Подробности
- Автор: Павлодарский областной историко-краеведческий музейим. Г.Н.Потанина
Әскери даңқ музейінде «Жамбыл жырлаған Жеңіс» атты батылдық сабағы өтті, ол Жамбыл Жабаевтың 180 жылдығына арналып өткізілді. Осы шараға Павлодар қаласындағы №6 жалпы орта мектептің оқушылары қатысты. Батылдық сабағының мақсаты: оқушыларды ұлы ақынның өмір жолымен және шығармашылықпен таныстыру, өлеңдердің – импровизациялардың тақырыбы мен идеологиялық мәні, соғыс жылдарындағы поэзиямен таныстыру. Жамбылдың өмірі мен қызметі мысалында жас ұрпаққа патриотизмді, намыс пен батылдықты, адамгершілікті, белсенді өмірлік ұстанымды тәрбиелеу.
- Подробности
- Автор: Павлодарский областной историко-краеведческий музейим. Г.Н.Потанина
Шарбақты тарихи-өлкетану музейі «Ұлы дала күйшісі – Дина Нұрпейісова» атты танымдық сағат өтті! Бұл шараға Абай Құнанбаев атындағы мектептің 5 «А» сынып оқушылары белсенді қатысты. Балалар алдымен Дина Нұрпейісованың өмірі мен шығармашылығы туралы видеоролик көрді, кейін қызықты кроссворд шешті. Шара Ұлы дала күйшісінің 165 жылдығына арналды. Оқушылар ұлттық музыкалық мұраға деген қызығушылықтарын арттырып, өнерге деген сүйіспеншіліктерін көрсетті.
